TILE NINGU KUSHO KILENI (We’ll meet each other there)

1. Tsükinhe yeilo chea, ni kümlah shekha shini,
   Mulo ghime shekha shiveni; tsütsü, yeghi Mpeu no,
   Ningu küdaputhu no, Ningu Zion lo no kushoni.

Sakulu
Tileni kushoni; lakhi no lakhisa sü;
Jukivi yeghi tile, Xakulu jumihini; Tileni kushoni,
Lakhi no lakhisa sü; Pajukü vüthulu ni.

2. Aküzü kutho alo, pasapagha kümsapu,
   Aküzü no ni kinhaluve; Ike mu Ampeu no,
   Küvü lalo sawuni, Aghime küha keu alo.

3. Ninhezü pijiamu, mulo küm sapu amu,
   Shilu küsa no yeghi tchi mu, Ampeu kikimi ye no
   Nisa Pakilo wuni, Tile mulo ghime have ni.