Pinike Pikhamla (More Than Tongue Can Tell)

1. Jisü no ni kimiye no, Kros lono aghimeshi thi;
   I ngulho xaluke ghili, pinike pikhamla.

Sakulu Pa no kimiye ke ghili, ye ke ghili,
Ni khilemu pikhamla, pikhamla,
Pa no kimiye ke ghili pinike pikhamla.

2. Shiluküsa kije xapu, Asahu kütsükuqho pu;
   Pa ghengu xaluke ghili, pinike pikhamla.

3. I lokughunopu ghengu, Kungughalo no khuani,
   Pa jih no qhüluke ghili, pinike pikhamla.

4. Pa no lokivipe I tsü, Kümsano pe ningu tsüke;
   Pa lau ye küvü ani, pinike pikhamla.