O Puwu Ani (Tune: O To Be Like Thee)

1. Alu qhakümtsü aghi nikhava,
Ampeu no ghile miku ani;
Ghile hupenike puwu ani,
O ghili kuto pelachelo.

Sakulu: O puwu ani,
O halachelo,
Küsami, pami küha pimu;
Obolomi qhiveno wumasa,
Ampeu no osasü chenani.

2. Shiluküsami kuphupenike,
Veküsami xaqhepenike;
Pühavekemi axinemiqo,
Saghipenike puwu ani.

3. Ampeu ghengu no müthsai vülo,
Muloghime lo kutuulo;
Timino o ghime aghipimu,
Mülahpenike puwu ani.