NINGU GHOKILO KUMQONI (Shall We Gather At The River?)

1. Ningu ’ghokilo kumqoni, kungumi kungo alo;
   Alhou küka lakhü lono, qowu akeu alo.

Sakulu:
Ningu ghoki lo kumqoni, aghoki jukivi, jukivi lo;
Akimthemi sasü kuhoni, Alhou küka lakhü lo.

2. Ghoki mükü tilehino, ni qhuki mithe veno;
   Lokivi shuna phu tile, ningu no Pa mülla ni.

3. Ghoki küvü tolukelo, ’makho tile qhiveni;
   Kikimiye no xaluno, kütsükuqho pipeni.

4. Aküvü ghoki tilehi, Xakuluu gi no yehpe;
   Kimithemiqo tilehi xaluveke le pheni.