KÜKÜMGHA KIVI (Blessed Quietness)

1. Lokivi no ghoki toyi, Lokughunou ighike thi;
   Lhokuthu Panisa ani, Pülü keu gholo ani.

Sakulu
Kükümgha kivi, Kimthe lolino, I ngulho lokiqipu,
Züghi mülhü lo I lo shipivi,
Züghi mülhü ghasüve.

2. Kükü lo a lokivi ye, Kungugha lono ighi;
   Mulo ghime kü haveni, Aloi no luveni.

3. Tsütsüghu, Tsükinhe küvü, Kungu lono ighike toi;
   Kungulo Ghungu Kimithe, Pano ningu tsüpuwu.

4. Alulo a xathi toyi, Miku cho xathi pithi;
   Yenguyi keu alo no, Küküpu zü qoh ani.