Khristomi Kutokupui Xüchelo (Christians Walk Carefully)

Khristomi kutokupu’ chechelo, Kümsapuno O phivilo ani;
Ghüzü lah lo shiluküsa ani, Xine lah lo müsü sawuvemu,
Pasapagha khüngkü süghi pimu; Wokhaveno O kulhoqhiluni.

Chorus Khristomi kümtsüno kutokupu’ chelo, xü pivi lo.

Khristomi lokivishi xüchelo, Küzüzüno shikümsa apinani;
No kighini nanu pucheaye; Ghukuju lo Pa no O xaluni,
Ampeu lo kivi gholo sülepi; Atsah küküghau no pinani.
Khristomi inikhu no xüchelo, Xakuluu vilo inikhuchelo;
Khristomi kümtsüno lokivishi chelo, lovichelo.
Khristomi pülüghi xü achelo, Kungulo lokughunopu ani.
Khristomi kümtsüno inikhuno xülo, inikhulo.
Khristomi kümtsüno pülüghi xüchelo, pülüchelo.