JUKIVI YEGHI (The Summer Land)

1. Jukivi yeghi tile, kungumi gholo lepheni,
   Halleluya, Hosanna pi Xakuluu Kükau sheni;
   Kungu ghüzü lah lo Alhou no ningu sasü cheni,
   Xine yeghi vechesü jukivi yeghi lo wüni.
2. Jukivi yeghi tile, akikimi themi wu ani.
   Ningu ghi tile wunike, tsalah ye kupunüva;
   Jisü vilo wuno xalu vekemi gholo ssü ni,
   Ningu no paje sheqheni, Jukivi yeghi tile.
3. Kungugha lo küpülümi ghengua a kuto va,
   Khuno Xakuluu pukhu eno pa tsah chii lukeno;
   Ampeu no ayeh penike, lokivi tsalah cheni,
   Ni ayeghi hi qhive no Kungugha phulo wüni.

Sakulu: Titoke lo lovini,
Shuna kütsü kuqho pu,
Jukivi yeghi tile
Wuno alokivi shi ni.