Jisü, Ni Ye Kros Ikhiluva (Jesus, I My Cross Have Taken)

Jisü ni ye Kros ‘khiluva, Thwokha kümtsü qhiveno,
Mighimi thokhashivemu, Ni ye Ow shiluva,
Yeghilo kimiji qhiva, I pulou jeli pheva;
Tishimuni yekinim’mi Alhou, kungugha Iw.

Yeghiqha no I pheveno, Xakuluu ghi phevemu,
Timi no I pishivemu, No ye timi toyimo,
O küvü I piyekelo, Kikimiye ithulu;
Küsami no I mithi-mu, O gi küvü piyelo.

Timi no I ghime amu, Ow sükusho lo ngova,
Ghukuju no qodah amu, Kungulo kulhoqhini,
Ghime I shipüsamüla, Kikimiye I tsüva;
Yeghilo I lokivi ye, O lokivi pavibe.

Kikimiye juküvü lo, Küpülü no nanushi,
Kungushekha hatsalalo, Lhou no o sasü wuni,
Yeghilo kümlah taveni, Ni ghühzü ghi taveni;
Pükhübe laju chekeu, Kümtsü ithulu nani.