Jisü, I Ngulho Kimiye (Jesus, Lover of My Soul)

Jisü I kimiye keu, O vilo ni ngo-pelo;
Zükuqo ighikelo, Pasapagha mülhülo;
I peküsu luvelo, Mülhü tamoke dolo;
I kito luve pelo, I ngulho ikhi lulo.

Ithsu kulu-pu küha, O likhi pükhüani;
I likhiqhi kevi lo, I lokughuno tsülo;
Pükhü-kulu O shou, Olau süghi ani;
Okichhibo kivino, I süsho luve tsülo.

I vehupu ye Khristo, Thwokha Pa lau ani;
I sünheputhu tsüno, Küsü shipivi tsülo;
O je ye Akimithe, Ni kimithe mi kumo;
Nixine notchito yi, No ye amikucho u.

Thwokha Olau ani, Ixine qhivetsü lo;
Shikipivi züpuki, Ishikimithe tsülo;
No aküxü ghoki ke, Ni ighümono shoni;
Imulo lo ighilo, Lhokuthu achepelo.