I W LAJUPU KÜTAU KÜHA (My hope is built on nothing less)

1. Jisü jihikimithe nguno, ni kupulo kütau ha;
   Jisü nguno allauye, kütami shou pükhümoni.

Sakulu
Khristo ye atuyitu ke, Ningu no Pashou ngoni,
Kütau loye veqhinni.

2. Küzü no Pa nhaluvemu, ni Pagholo kulhoqhini;
   Pasapagha ighi namu, ni Pasülhepe ngoluni.

3. Pa no piqhike tsahqono, zükuqo lono xaphelu;
   I ngu küka havekelo, Pa likhino I kupulo.

4. Pa akiniu ighikelo, Pa pelo ni’thulu pelo;
   Pamikucho nanu puno, kükalakhi zülo ngoni.