I Küsau Phuluva (I’ve Found a Friend)

1. Iküsau kivi phuluva,
Pa I kimiye cheni,
Ikimiye no sünhelu,
Eno Pagholo xüpe;
Pa ijehpe xüchekeu,
Kütsügha ikovemo,
Niye Paw,
Paye Iw,
Shekhaküha tishini.

2. Iküsau kivi phuluva,
Ixalunike thive,
Ipüxütsüni keghengu,
Paküxüghi petsüve;
Timikivi ghengukumo,
Pano ni kimiye ke,
Imuloghi,
Ighungughi,
Kümtsü pephe Patsüni.

3. Iküsau kivi phuluva,
Küka kümtsü Patsüva,
Pano Ikhe sasüwuno,
Kungugha alo qhini;
Shekhaküha aküvüno,
Ishikumuto tsüni,
Tighengukuto khealo,
Titheloino luni.

4. Iküsau kivi phuluva,
Pashishe Ikimiye,
Akighithiu Ikheu,
Isüshokuluuke;
Pano Ikimiye keu,
Khilemu hauvemo,
Kithilomu,
Küxülomu,
Niye Lhokuthu Paw.