AXINEMI LAKHI (Only a Sinner)

1. I kutoshi ithuluke kumo, Küpükini lono pülulupe;
   Niqheküza shikepu küha, Küpükini no I xaluva.

Sakulu
Küpükini no, xaluke,
Küpükini no, xaluke;
Hi I ghilike,
Alhou je pipini,
Küpükini no I xaluva.

2. Ni ghuthulakhi xinelo ache, Alhou lau no ni putosüvepe;
   Jisü I phulu, I loviva, Küpükini no I xaluva.

3. Nhezü kipi ji lono mu kumo, Kemu kikimye lono I xalu;
   Xinemo I shikümsa amu, Küpükini no I xaluva.

4. Xinemi mulo lovi lu pelo, Pa Xakulula kimiye pelo;
   Kikimye ghili pikithelo, Küpükini no I xaluva.