Aghungu Kimithe, Sakicheu (Holy Spirit Faithful, Guide)

1. Aghungu Kimitheu, Khristomi sakicheu;
   Kimithe ghüzü lahlo, nono ni sasü chelo;
   Aghungu lo lovilu, sütsa kungo chiluno;
   Lah ghüzümi ighilo, sawuni ki kutolo.

2. Alholo küsau kiviu, lhokuthu ni kuphulo;
   Müsai chhi pekelo, aküzzü kutho loghi;
   Pasapagha ghikelo, mulo havekelo ghi;
   Jisü jih no ni xalu, sawuni ki kutolo.

3. Ni kümlah shikha veno, khaqhipheni kheani;
   Kighini lono wuno, kungulo ni je juni;
   Zükuqo kutholo ghi, Jisü jih no ni xalu;
   Lah ghüzümi ighilo, sawuni ki kutolo.

Amen.