Thimo, Ithulumo Keu Lhou (Immortal, Invisible, God Only Wise)

Alhou ye thichemo, ithulu chemo;
Ninethi no pa juhthuluni chemo;
Juküvü kiqheu, khaghino ache;
Tokulu kiqheu O jesheani.

Kulhoqi ngochemo, aküvü toyi;
Adokilhe mono ayehpe cheni;
Atokiqhe toyi, omikucho ye;
Okivi ye kimhiye kükhü toyi.

Kije, kiti la qo, nono küxü tsü;
Hipaqo kümtsü lo nono xüani;
Sübonika toyi, timipeghino;
Ighive cheni mu no yekilimo.

Aju küvü kije, aküvü Lhou;
Kungumi qo ghi ozülo pishiqho;
Nino osheqheni, nikuphutsülo;
Jukivü küvüno O nhapeani. Amen.