393

NI KÜSAU KUCHOU JISÜ (What a Friend We Have in Jesus)

  1. Niküsau kuchou Jisü,
    Nixine ghime xapu;
    Thwokha nikivipu ghengu,
    A’lhou vilo khukepu;
    Lokughuno vepimive,
    enoa ghimeshive;
    Thwokha kümtsü A’lhou vilo,
    Inikhu moke ghengu.

  2. Aghime eno ghukuju,
    Shiluküsa anikea?
    Khilemu ghüthisü mono,
    A’lhou vilo khukepu;
    Khunomu Jisü hutoyi,
    nighime hijumoke;
    Panighili ithi ani,
    Ampeu vilo khulo.

  3. Nikhomishi cheni keshea?
    Puqhemüla kepushi;
    Nisüsholulu Xakulüu,
    Ampeu vilo khukepu;
    Oküsami oqhivekea?
    Ampeu vilo pilo;
    Pauno okhapeluni,
    Tile loino luni.

← Back to Sumi Hymn Book