KHILE KHILEMU JISÜ GHOLO (Anywhere with Jesus)

1. Khile khilemu Jisü sache aye,
   Hipa yeghilo pa no ni sacheni;
   Pa sachemaye lokivi ghihani,
   Ni Jisü gholo che aye müsamo.

2. Khile khilemu Jisü Isa cheni,
   Niküsami no iqhive pinamu;
   A lalhokü savechesü wuvemu,
   Jisü sasü che aye lokivi pu.

3. Ni Jisü sasü yeghi, züghi lomu,
   Xaluveke u ghilitsa pepini;
   Pa no ivilo piketo ishini,
   Jisü no kichetsü ke lalo wuni.

4. Jisü gholo che aye loino ni,
   Küzü kuto no inhaluve pimu;
   Ni yekhilemu itsüki thewuma,
   Jisü ye ni kungoa kivi huke.

Sakulu
Khile khile himu, pagholo wuni,
Jisü sasü che aye ni müsamo.