AKIVI KÜKAU WENCESLAS (Good King Wenceslas)

Akükau kiviu no Stefan ghuhlu lo sü,
Avü kiqi khilaqa, losü pushi thulu;
Süthi kütü apimu, qhi küvü no vütsü,
Tishi aake ghulolo, kumlhomi no ighi.

I’vilo puthughono piakeu huke,
Lukichiu khiu kea? Pakhile achenia?
Paye naghuto qholo, lho xü gholo ake;
Kunguni tchighaqha lo, züpuki phivi lo.

Chuqu kusho süghilo, süküghüpu süghi,
Ni paphivilo ngono, chuqukusho shini;
Kükami kijemiqo, kümtsü kümtsa ngosi,
‘Tsalahi ghono mumko, süthi kütü pimu.

Kijeu tsüzüu achea, pasapa ghawo chea,
Kishino wunike no, niye mütha noa;
Nono ilah piyelo, ishikumutolo,
I philo ajih qomo, sükithi ghenguno.

Avü lo Ampeu pape, pano nesi sü wul,
Kimithemi nepalo, avü no chethova;
Khristomi kinimiqo, mighimi kuphulo,
Tishi aye nongu ghi, kümghakeu thuluni.