IGHILO, KHRISTOMI LHOTHEMI (Come Forth, O Christian Youth)

1. Lhothemi ighilo, Kümlah kije ani,
   Shiyeh no lhothemi kumto laju khelho ani,
   Timi xalunike, Khristo tovi shino,
   Timi kümtsü thiküzümi, lakhi shixüpelo.

Sakulu
Lhothemi ithuno, A’lhou pü-khü belo,
Kü-pülü shi xülu veno, Khristo ithi pelo,
Ji-sü no wukeu, lahti mipi yelo,
Timi kümtsü pe Lhou zülo, kimithe shitsü lo.

2. Lhothemi muto no, Ghokulu shilulo,
   Ni mulo muto lupelo, ni tsah ni kümlah lo,
   Ni kümlah Lhou zülo, ‘khi kulu pushi lo,
   Ku-cho’ laghi timi kümtsü laupephe piyo lo.

3. Lhothemi Khristomi, O kü-xü pe tsülo,
   Lhou kü-ka-phu no ningu ye, Paw kepi ani,
   Yeghi ghüh-zü hile, Pa gholo no wuni,
   Nipe ghokulu shitsü lo, Pa ‘ghi kumo dolo.