Aküha Hu Kighiki (Ivory Palaces)

1. Ampeu nanu jukivinoshi,
Amekusho noshi;
Paxokütsüngü kivino tchi,
Mulo shipüvü tsü.

Sakulu:
Aküha hu kighiki lono,
Ghime alo ighi,
Shekhaha kikimiye lono,
Pa Nu puwu tsü.

2. Paküxü loghime kije shi,
Timixine ghengu;
Kughono Kros kümtsülu keno,
Inhezü iqighi.

3. Pananu yeshikipivipu,
Bukelono vilu;
Ino xine lalo wuvemu,
Pano Isünhelu.

4. Pakighichhe nanu pepuno,
Kungu kikhakhini;
Iw tchigha tile ilono,
Lhokuthu ngouve ni.