Aküpülü Ye Tokulu (Faith Is the Victory)

1. Aküvüto lo ghükhe a kutope akeqo,
   Khristo ghüshimi ithulo, küvü aphi lono,
   Nongu kumtope aqa lo ghümi theqhi lulo,
   Aküpülü ye tokulu, tino yeghi theqhi.

Chorus Aküpülü huye, tokuluu huke,
A juküvü tokulu hino yeghi theqhi.

2. Kikimiye no michiphi, Alhou tsah ni züta,
   Ni aghüle ku kimithemi laju wucheni,
   Küpülü no miyitsü toyi ghasa jocho lu,
   Kithi tokulu küpülü, huno ni zütake.

3. Müsakepu ghümi no ningu sühope ani,
   Pumhomo küxü qhiveno aghü a lo wuni;
   Xakulu kütsükuqho pu, kuchou pepoh khapu,
   Tokulu ghüle sheshu phe, yeghi no müsani.

4. Aghülo tokulumi ye kimiyye ‘phi tsüni,
   Kungu lo kungumi zülo Pa je piphe tsüni,
   Küvü küka kikim’ye no ilolo no iqü,
   Tokuluu Jisü je lo no, aghümi toluni.