ZHUO! SANA DOUROU MEIRE (Lo! The Golden Fields Are Smiling)

ZHUO! SANA DOUROU MEIRE

Lo! The Golden Fields Are Smiling

1. Zhuo! sana dourou sü meire, Ne hee-a bubailaiwu?
   Cha chire bue, vah soumai hae, Mapao nou neye kuwe;
   Taho vahsou teile hare, Ne lesü zhou houpeiwo,
   Puh nou neye kukhai khai we, Mapao E bue, tea paolo.
   
   Khoras
   Keio! Chachi mainou varusho lou souwe
   meiyu dourou ngaoloua;
   Taho putao hrohi loulo,
   Mapao nou neye kuwe.
   
   
2. Sousayu pou sü ne polo, Sünou ne sousa peilai,
   Veashoyu chachi maiye koa, Ne sayu zha ngao zholo;
   Taho kousümai soukha peio, Puh sü veasho-a bure,
   Taho puh koa ne khoukhülo, Puhye koa veachi paolo.
   
   
3. Jisu donou rako phoulo, Ne leshi nou koloulai,
   Zhuvea kikhu hi savepeio, Kikhu hi loure paopeio;
   Jisu donou rako phoulo, Khouko buki vahsoulo,
   Nenou te-a vah souyu buu, Thaikhai ne sayu ngaolai.
   
   
4. Shu vahsouo, Mapao nou ne kue, Talo hee-a chaokhaiso,
   Muteiyu teile souhaso, Mapao nou neye kowe;
   Neye donou puh thaipeire, Ne rako pa hrilaitea,
   Ne kuvah puhnou kho-a bue, Ne moe tea paolou süwu?