LAITHOUO
Launch Out
- Ne khei zaipe nou hako nou buwu?
Zaipeihi takou laithou khaio;
Zaithou hi losü ne khah be laithou,
Zaipeihi tapaloua laithou;
Sühi neye peire donou khobue,
Sakhaiyu zaihi nou palo;
Dzühouyu buh hi sü vahsou buso,
Mapao nou paowe laithouo.
Khoras
Laithouo, laithouo,
Zaipe hi paloua laithoukhaio;
Mapao leshi hai sa ngaoloulai,
Puh nou paowe laithoukhaio. - Ne rako zaihe-a veayu daowu?
Zaipehi tapa phathou khaio;
Khrista lülo, Puh nou khouko peilai ,
Zaipeihi tapa phathou khaio;
Mapao hisü alao sou-a buwe,
Ne jüpa sü tave polo;
Puh hi tave ne jüpa kholourao,
Puhnou ne kho noupeilai. - Jisunou zhou vealaimai taoye paoe,
Ne sakhao zaihi phathou khaio;
Puh leshi pai keilo, neye peilai,
Zaipeihi takou phathou khaio;
Ne mah buhsü thao-a tapa lourao,
Sühi ne hriyu ngaolaimoe;
Chuo Jisu hilosü zhu-a bulo,
Puh leshi hi thaothou khaio.