499. E NOU LESHIYU TEIDEI (The Land I Love)

E NOU LESHIYU TEIDEI

(The Land I Love)

1. Daorainou Ramainou soupeiyu Ateidei,
   Teidei haina kohai Enou kusha lou hoe;
   Teikhai ne taho teidei haina ko doupeio,
   Leshishoe, ngailouhoe, eh Poumai teideihai
   
   Khoras
   Deiphao hi Enou tasühao-a zhuphaki,
   Eh Poumai teidei haina bü-a ngaomohie;
   Reiko vaosüü, ngaire, kheko vourei kübue,
   Poupahnou sühao bue, Poumai teidei hisü.
   
   
2. Deichinou zhikhai moa teidei haina khoa bue,
   Dzünghounou thekhai moa Poumainah ki-a bue;
   Teikhainou sokhaimoa putao le sousabue,
   Teinghei-a lounümoa puh kihi loutare.
   
   
3. Poumai kipei hinou küpayu vourei rei,
   Mail thethe kücho-a mai thethe vai-a bue;
   Vourei nehi mainou neki nouyu phaki,
   Akihai Poumai teideihi bue tea paopeio.
   
   
4. Daorai paipao maiwo peide-peiva hrübue,
   Ana zhou etao Khrista donou reih zülai;
   Holo hailo hrü-a buyu Poumai hrülai,
   Sokhaiso, tavelo, leroli soulaikhe.