436. E VEAROU NAHTOUE (I Am Only An Orphan)

E VEAROU NAHTOUE

(I Am Only An Orphan)

1. E deiphao hinou pfüpou ha-a veasho nou hrüe,
   Avei veayu süsü sounou jünou dushohie;
   Aiyaho, aiyaho, E vearou natousü daikinou vehrülai,
   Avei veayu hai thaohi paolai.
   
   Khoras
   E nou zhimekou hinou memue,
   Avei Apfü Apuo ngaoloue,
   Asasho-a nou zhikaishue,
   Apfü Apuo sü phoumaha baire;
   E lah vearou nahtou sou-a nou hrülairedo,
   E samai hi talai hoe, samai nou
   E vearou nah touye sü konüe,
   Aiyaho, aiyaho, deiphaohi maili nah
   E bü-a nou hrümoe; Mapao ne nou,
   E ye soukha peio.
   
   
2. E nou deiphao hrübuki sounou veayu süngaoe,
   Mailinou Avei donou tsücho peire mai hae;
   Apfü hae, Apuo hae, vearou nahtousü,
   E maiki tosü talai, vearou nahtousü peire hawu?
   
   
3. E Apfü Apuo hae, sabanü banoure hae,
   Teikhai teirü nou shie, E seitou thawu laire;
   Apfü hae, Apuo hae, vearou nahtousü,
   E daikinou bailoulai, vearou nahtou bailoure buh hae.