335. KROS VEI SAHRA (The Banner Of The Cross)

KROS VEI SAHRA

The Banner Of The Cross

1. Veonou reih veilouyu vanou peikhaitou
   Sahra sü zhou polalouo; (Hallelujah)
   Khailoumai taonou lou sou-a bu phaki,
   Sahra sü zhou pozhawe.(Hallelujah)
   
   Khoras
   Takou khaio, hukoukhaio,
   Khrista nou veishi khopeilai;
   Veo peirü rüpeio lousou-a
   Kros vei sahra phi hinou.
   
   
2. Ngaobamai nou zaidzü büa vejü yuma ,
   Zhaidouvei hai sou ngaopeio;
   Mapao vei reihmai libüa Puh phi hinou,
   Cheche hinou lekiso.
   
   
3. Deiphao butali hinou hrübuyuma,
   Chipao vei hai pa sülo;
   Zhe büa hoyu sahra kosü pao peikhao,
   Mapao nou shayu phaki.
   
   
4. Vei kayu shona teithe payu phaki,
   Teilesü thashoa takoue;
   Etao Veo nghoujü nou ngaobamai halai,
   Deiphao hi kros poa zhalai.