295. VEO TEIDEI VERE (The Coming Of The Kingdom)

VEO TEIDEI VERE

The Coming Of The Kingdom

1. Vedei aveili velaitea paokhaitea kho-abuyu,
   Chechemai teitheli pove dzülai;
   Teisa halouho veodei süsü thasho-a velaire,
   Velaire, velaire, ve cheche laire.
   
   Khoras
   Ovai, raki veodeisü ngheisho vere, (2 times)
   He! Soudalo Arako;
   Shabe khosü thasho nou houpalai,
   Puh dusho sü pongaolai.
   
   
2. Veishoa souda khaitouyu veo teidei nasü zhi-a bue,
   Alia khai-apeio vere sü zhubue;
   Teideiphao mahmo hukha hinou Etaoye popaloue,
   Veo teidei vere teile sü nghei vere.
   
   
3. Veo teidei veyu phaki khoukobu Mapao Eh ngaolai,
   A Mapaoye sü rai-a nou ngaolai;
   Hallelujah sholai Puh zhenou Etao khailu peire,
   Oh! Veo teidei vere teilesü ngheire.
   
   
4. Deiphao mai poulaonou kholouho zhinüyu büa bure,
   Levea-a dopfü laimai me hisü;
   Asayu lounou sou-a vedei kovei paopei laikhe,
   Velaire, velaire, ve cheche laire.