169. EH KEILAI NE PAOPU PEIO (Let Us Hear You Tell It)

Eh Keilai Ne Paopu Peio

Let Us Hear You Tell It

1. O! Mapao nou khaipeiyu ko ne paowu?
   Eletao nou keilai ne paopu peikhaio;
   Puh nou thaipeiyu Kros hi ne veyu ko,
   Eletao nou keilai ne paopu peikhaio,
   Ne chuwo Puh ava hinou tawu?
   Nevei mah teitei khüshee homoe?
   Puh nou nevei teisa savayu nawu?
   Eletao nou keilai ne paopu peikhaio.
   
   Khoras
   Eh keilai, Ne paopu peikhaio, paopu peio,
   Paopu peikhaio; veikayu kosü paopeikhaio,
   Süna nou neye soukha lai, Eletao nou keilai
   Ne paopu peikhaio.
   
   
2. Ludu hi veaho buki Mapao buwu?
   Eletao nou keilai ne paopu pei khaio;
   Jisu nou neye soutaosou sapeiwu?
   Eletao nou keilai ne paopu peikhaio,
   Puh zhai büyu samai ne ngaolou hoe,
   Ne veabuki soukha peilousüe,
   Deiphao mainou sülai Puh ne dai soupeie,
   Eletao nou keilai ne paopu peikhaio.
   
   
3. Ne nou züyu reih buh hinou veiloure,
   Eletao nou keilai ne paopu peikhaio;
   Süna nou maikhe maiye soukha peilai,
   Eletao nou keilai ne paopu peikhaio,
   Chuwo etao rashiye zü-a bue,
   Thalasou Khrista nou Veo soulai,
   Mapao reihmai ne rako ali nülouo,
   Eletao nou keilai ne paopu peikhaio.